Zbulohen gjurmë të autorëve të vrasjes së Arben Bilalit
Personat që qëlluan mbi Arben Bilalin nga makina e zezë me targa të huaja, kanë qenë të maskuar.

Dy maskat e tyre dhe armët e krimit, dy automatikë të modifikuar ishin lënë në makinën që policia gjeti të braktisur në një kodër në Mjull Bathore.

Ndërkohë grupi hetimor ka rënë në gjurmët e vrasësve të ish-policit Arben Bilali.

Te armët që autorët kanë lënë në makinë janë gjetur gjurmë ADN-je dhe të gishtave.

Vrasja ndodhi mesditën e 30 Janarit. 50-vjeçari u qëllua sapo zbriti nga një mjeti, disa metra larg banesës së tij. Prokuroria ka dyshime se Bilali, të cilit i janë vrarë edhe dy vëllezër, të jetë ekzekutuar për motive hakmarrje. Kjo për shkak se familja Bilali ka patur konflikte që prej vitit 1991 me një familje në Tiranë dhe përplasja mes tyre ka sjellë viktima nga të dyja palët. /albeu.com/
Shtuar më 24/02/2019, ora 23:17

Shkruani komentin tuaj!
Të fundit nga kjo kategori