Zbardhet drafti, 10 vjet burg kush lufton në Siri
Deri në dhjetë vjet burg do të dënohen shqiptarët që shkojnë dhe luftojnë në Siri ose në vende të tjera jashtë territorit të Shqipërisë. Portali Albeu ka siguruar edhe draftin e plotë të ligjit të ri që ka mbërritur në Komisionin e Ligjeve. Por çfarë thuhet në nismën e re të hartuar me qëllim parandalimin e dërgimit të shëqiptarëve si luftëtarë në zonat e nxehta? Në nenin 1 të këtij ligji thuhet se : “Pjesëmarrja në formacione luftarake në një konflikt të armatosur që zhvillohet në territorin e një shtetihuaj, pa qenë shtetas në shtetin e huaj, pa qenë pjesëtar i forcave të armatosura të njërës prej palëve në konflikt ose misioneve ushtarake zyrtare të forcave të armatosura të një shteti që nuk është në konflikt ose një organizatë ushtarake ndërkombëtare, dënohet me burgim nga 3 deri në 8 vjet burg.”, thuhet në ligj. Kur kjo vepër penale kryhet me qëllim përmbysjen e rendit kushtetues ose shkelet e territorit të një shtetihuaj, dënohet me burgim nga 5 deri në 10 vjet burgim. /Albeu.com/
Shtuar më 25/02/2014, ora 20:20

Shkruani komentin tuaj!
Të fundit nga kjo kategori