Zbardhet dëshmia e nuses që helmoi vjehrrën: Ma nxiu jetën…
Një ngjarje e rëndë ka ndodhur dje në Durrës ku një nuse vetëm 19 vjeçare ka tentuar të vrasë me helm vjehrrën e saj.

Nusja 19-vjeçare e martuar prej pak kohësh, ka treguar se kishin konflikte se se pas atyre ajo nuk po duronte dot më.

Nusja 19-vjeçarja kishte vetëm 4 muaj që ishte martuar dhe kishte hyrë nuse në banesën ku ndodhi ngjarja.

Mësohet se ajo jetonte me prindërit e burrit, pasi ky i fundit ishte emigrant në Greqi.

Pasi kishin zyrtarizuar martesën dhe e kishte marrë në shtëpi, ai ishte nisur sërish në emigrim, duke ia besuar nusen prindërve të tij që jetonin në fshatin Likesh të Shijakut.

Por, pas largimit të bashkëshortit, duket se marrëdhënia nuse-vjehrre nuk ka qenë fare e mirë, madje me zënka të përditshme për arsye nga më të ndryshmet, shkruan Panorama.

Sipas dëshmive të tyre të dhëna për oficerët e policisë në Shijak, ato kishin konflikte nga më të ndryshmet dhe së fundi mosmarrëveshjet mes tyre kishin arritur kulmin, saqë nusja e donte të vdekur nënën e burrit, që sipas saj, ia kishte nxirë jetën.

“Ma nxiu jetën, prandaj doja ta helmoja. Që nga momenti që bashkëshorti u nis drejt Greqisë ku jetonte si emigrant, vjehrra ma bëri jetën skëterrë. Për çdo gjë që ndodhte fajin ma hidhte mua. Pse kështu, pse ashtu.

Unë isha nuse e re dhe doja pak kohë të përshtatesha me njerëzit dhe me shtëpinë. Ajo ishte e paduruar. Kishim zënka nga më të ndryshmet. Filloi të ankohej te burri im, djali i saj, duke e fryrë me gënjeshtra.

Na fuste në sherr. Rri në telefon gjithë ditën, i thoshte, nuk punon, nuk na dëgjon, bën sipas kokës së saj. Ndërkohë që asgjë nga këto nuk ishte e vërtetë”,- është shprehur fillimisht për policinë nusja e re 19-vjeçare e arrestuar për akuzën e vrasjes. /albeu.com/

Shtuar më 03/07/2017, ora 10:00

Shkruani komentin tuaj!
Të fundit nga kjo kategori