Zbardhen pamjet e reja, si u kap jahti i shqiptarëve me 4 ton drogë

Pamje të reja janë zbuluar nga operacioni i policisë për kapjen e 3 shqiptarëve ku në jahtin e tyre u gjetën 4 ton marijuanë.

Policia e Shtetit shqiptar njoftoi se eshte finalizuar nje tjetër operacion ndërkombëtar antitrafik droge mes Policisë së Shtetit dhe GdF-së dhe Policisë italiane nga i cili u sekuestruan nga GdF 3 ton e 992 kilogramë Marijuanë.

“Në orët e para të mengjesit nga ana e GdF Italiane u be i mundur ndalimi dhe sekuestrimi i një Yacht-i me flamur të SH.B.A.(Delaware).

Si rezultat i ndjekjes nga skuadrat e GdF dhe me suport ajror u bë e mundur bllokimi i mjetit lundrues”- njofton policia.

Sipas saj, në ekuipazhin e mjetit lundrues tre shtetas shqiptarë. F.M, E.V, dhe E.M. Mjeti lundrues u kap në ujërat territoriale Italiane në zonën e Viestes, shkruan panorama.

“Hetimet paraprake tregojnë se ky mjet lundrues nuk ka shkelur ujëra shqiptare. Rezervohemi për të tjera informacione për shkak të sekretit hetimor”-thote policia.

Policia e Shtetit po bashkëpunon ngushtë me Guardia di Finanza dhe Policinë Italiane si dhe po shkëmben informacione intensivisht me Policinë Malazeze për zbardhjen e këtij trafiku. /albeu.com/

Shtuar më 06/09/2017, ora 15:39
Shkruani komentin tuaj!
Të fundit nga kjo kategori