Zanier kundërshton Hashim Thaçin
Albeu.com
Kreu i UNMIK-ut i ka kujtuar shefit të qeverisë kosovare se takimet e tij me autoritetet e Beogrdit nuk janë takime, siç i ka quajur Thaçi, por negociata shumë të zorshme, delikate dhe komplekse.Në një intervistë për të përditshëm kryesore në Prishtinë "Koha Ditore" shefi i UNMIK-ut i ka bërë publike hollësitë dhe qëllimet e negociatave Prishtinë-Beograd për gjashtë temat e përmendura nga sekretari i përgjithshëm i Kombeve të Bashkuara Ban Ki Moon, e që kanë të bëjnë me policinë, gjyqësinë, doganat, menaxhimin e kufirit, objektet e kultit dhe transportin e telekomunikacionin.

"Ajo që UNMIK-u synon është jo vetëm një proces i dialogut në mes meje dhe Bogdanoviqit por edhe ndërmjet Prishtinës dhe Beogrdit", ka deklaruar Zanier duke kundërshtuar kështu kryeministrin Hashim Thaçi se bëhet fjalë për takime që shefi i UNMIK-ut mund t'i ketë me të gjitha vendet e rajonit.

Zanier ka paralajmëruar krijimin e policisë etnike serbe.

"Sa i përket çështjes së negociatave për policinë, e pranoj se tani për tani, nuk ka një shteg të qartë. Shtegu kalon përmes dialogut me njerëzit për të parë nëse ata janë të gatshëm nën sistemin policor të cilit i kanë takuar. Çështja e zingjirit komandues është një çështje në të cilën është vështirë të gjendet një kompromis. Andaj ka hapësirë që të punohet në drejtim të dhënies të një autonomie më të lartë të mundshme, për atë që do ta definoja si një polici etnike, që i takon një grupi të posaqëm etnik, me autonomi speciale në zinxhirin komandues brenda policisë së Kosovës", ka deklaruar Zanier.

Ndërsa doganat, sipas tij, do të mund t'i ngjanin modelit të Hong Kongut, një territor me dy zona doganore. Gjyqësia po të njëjtin format.

Zanier ka thënë se do të takohet edhe me kryetarët e komunave serbe të zgjedhur në zgjehdjet e 11 majit për të parë nëse mund të ndihmojnë në zgjidhjen e problemeve. Ai ka deklaruar se UNMIK-u i konsideron të pavlefshme ato zgjdhje, duke shtuar, se i duhet të flas me kryetarët që kanë dalë nga ato zgjedhje.

Dy ditë më herët kryeministri Thaçi dhe Zanier kanë zhvilluar një takim që ka zgjatur rreth gjysëm ore, në të cilin kreu i qeveisë ka thënë t'i ketë treguar Zanirit se nuk mund të negocioi në emër të Kosovës ndërsa takimet e tij me autoritetet i ka cilësuar vetëm takime. Madje, po atë ditë, Thaçi e ka quajtur të ligjshem vendimin e ministrit të Ekonomise Ahmet Shala për suspendimin e Drejtorit te Doganave të Kosova, e që është në kompetencë të UNMIK-ut nderi në bartjen e përgjegjësive tek EULEX-it i cili më pastaj është përgjegjës për doganat.

Por nuk ka vonuar shumë Zanier po atë ditë ka nisur takimet me autoritetet e Beogradit, duke takuar ministrin për Kosovën në Qeverinë e Serbisë Goran Bogdanoviq, larg mediave në një ndërtesë të UNMIK-ut në dalje të Prishtinës, me të cilin ka biseduar për policinë dhe doganat, një takim që ka zgjatur mbi dy orë. Një ditë pas takimit Zanier ka thënë se bëhet fjalë për negociata, e jo takime ndërsa ka thënë tema e statusit nuk është kompetencë e tij. Madje ai ka shkuar edhe më larg duke thënë se: "Përderisa të jetë Rezoluta 1244, lojëtari kryesor në Kosovë është Misioni i OKB-së UNMIK-u", duke injoruar kështu realitetin e ri të krijuar në Kosovë pas pavarësisë dhe hyrjes në fuqi të kushtetutës së Kosovës.(alsat-m)
Shtuar më 02/08/2008, ora 02:30
Tage: arkiv
Shkruani komentin tuaj!
Të fundit nga kjo kategori