Zani Çaushi kërkoi lirim me kusht, avokati: Çështja është mbyllur
Myrteza Çaushi, i njohur për të gjithë si Zani Çaushi është kthyer sërish në qendër të vëmendjes. Zani njihet si një nga personat më të rëndësishëm të Shqipërisë së viteve ’97. Ai ishte kryetar i bandës së Vlorës dhe është akuzuar për një sërë veprash kriminale, nga vrasjet, e deri te drejtimi i një grupi kriminal. Gjykata vendosi në vitin 2000 që ta dënonte me burgim të përjetshëm.


Kanë kaluar 20 vite që nga dhënia e masës për të, por Zani pretendon se duhet të lirohet me kusht. Ai dëshiron të fitojë lirinë bazuar në ligjin penal të vitit 2000. Bazuar te ky ligj, Zani mund të lirohet me kusht pasi ka bërë 25 vite burg dhe pse është i dënuar përjetë. Caushi pretendon se ka bërë mbi 30 vite burg, ndryshe nga autoritetet e burgut që nuk ja pranojnë një kërkesë të tillë.

Ish-kreu i bandës së Vlorës Zani Caushi kërkoi lirim me

Ai kërkoi lirimin me kusht më 14 maj, por në procesin gjyqësor që u zhvillua në korrik u tërhoq nga kërkesa e tij. Zani rinisi betejën e tij për lirimin me kusht në shtator, pasi kërkon t’i llogariten mirë vitet e kaluara në burg. Ai pretendon se i ka bërë vitet mjaftueshëm për t’u reabilituar dhe kërkesën e tij e mbështet dhe te fakti se ka krijuar familje dhe ka dy fëmijë të mitur.

Gjykata e Korçës i hoqi dhe masën disiplinore që kishte në burg, pasi ishte përfshirë në një sherr brenda burgut. Heqja e një mase të tillë, i jep mundësinë aplikimit të një lirimi me kusht për Zani Cushin.

Ditën e sotme kjo çështje u diskutua në emisionin “Shqipëria Live” në Top Channel, ku në një lidhje direkte nga Korça ishte avokati i tij, Arben Lera. Ky i fundit u shpreh se për momentin nuk ka asnjë kërkesë në gjykatë.

“Kur gjykata vendos moment pushimi, do të thotë se ajo çështje është mbyllur për momentin. Edhe në lidhje me masën disiplinore, në rastin me burgim të përjetshëm, është dënimi i fundit në kod. E si pasojë edhe liria me kusht është ndryshe”, tha Lera.

Sipas avokatit, në Shqipëri nuk ka patur shumë raste të të burgosurve me dënim të përjetshëm që janë liruar me kusht. “I dënuari me burgim të përjetshëm lirohet vetëm në raste të caktuara, ku me kodin e vjetër ka bërë 25 vite burg, ndërsa me të riun 35 vite. Është kërkesa që e vë në lëvizje Gjykatën, pra nuk ka çështje në gjykim”, tha avokati i Zani Çaushit.

Lera shtoi gjithashtu se nuk mund të bënte një kërkesë lirimi me kusht, ku ka një përllogaritje të gabuar të viteve të dënimit. “Ka një gabim të vogël aty që verifikohet lehtë. Kur të bëhen llogaritjet e duhura, atëherë do të shohim më tutje se çfarë do të bëjmë”, përfundoi avokati.
Shtuar më 21/10/2020, ora 13:29

Shkruani komentin tuaj!
Të fundit nga kjo kategori