Në kuadër të ditës ndëërkombëtare të romëve, ambasadori i BE-së Ettore Sequi dhe ai i OSBE-së Eugen Wollfarth vizituan sot qendrën “Romani Baxt”. Në fjalën e tyre ata kanë kërkuar respektimin e të drejtave të komunitetit rom në Shqipëri ndërsa kanë shprehur angazhimin për të mbështetur komunitetin rom.

Në fjalën e tij, ambasadori i OSBE-së Wollfarth theksoi se komuniteti rom vuan nga diskriminimi, mungesa e shërbimeve dhe përfaqësimi në politikë dhe sipas tij kjo gjë nuk duhet toleruar por duhet të merren masa.


Ndërsa Sequi u shpreh se arsimi dhe trajnimi komunitetit rom është me rëndësi

“Aktiviteti i sotëm njeh dhe promovon të drejtat e romëve. Së bashku të sfidojmë diskriminimin ndaj komunitetit dhe kulturës rome. Nuk duhet të krijohen stereotipe, pasi rezultati është përjashtimi shoqëror. Jemi të angazhuar për të mbështetur komunitetin rom, për këtë BE ka investuar 3 milionë euro. Arsimi dhe trajnimi komunitetit rom është me rëndësi” tha Sequi.