Withers: Korrupsion shtetëror me pronat
John Withers
Ish-ambasadori amerikan në Tiranë John Withers, në një nga telegramet dërguar shefave të tij, ve në dukje se ka kritika kundër qeverisë shqiptare lidhur me procesin e kthimit e kompensimit të pronave ish-pronarëve, që janë shpronësuar nga regjimi i mëparshëm, pas vitit 1944.

"Kritikët vënë në dukje se procesi dhe disa çështje të veçanta janë manipuluar si pasojë e korrupsionit dhe procesi ka ngecur në vend për arsye të mungesës së vullnetit politik", thuhet në telegramin e Withers, publikuar nga Wikileaks.

Madje, sipas përfaqësisë së SHBA në Tiranë, janë një numër i caktuar qytetarësh amerikanë, apo shqiptarësh me banim në Amerikë, të cilët prej shumë vitesh tashmë po grinden me qeverinë shqiptare lidhur me faktin që nuk po u kthehet prona e tyre.

Sipas dokumentit të nënshkruar nga ambasadori Withers, në shumë raste, proceset e kthimitpronave përfundojnë në gjykata, ku zvarriten për vite e vite të tëra, pa gjetur një vendim përfundimtar. /albeu.com/

Shtuar më 29/08/2011, ora 10:46

Shkruani komentin tuaj!
Të fundit nga kjo kategori