VV shpalos alternativën qeverisëse për shëndetësinë
Vetëvendosje
Pas shpalosjes së alternativës për sektorin e ekonomisë, Vetëvendosje sot ka publikuar edhe alternativat e qeverisjes për shëndetësinë.

Përmes një komunikate për media,VV vlerëson se sistemi shëndetësor në Kosovë vazhdon të jetë në gjendje të mjerueshme si dhe besueshmëria e këtij sistemi është në rënie të vazhdueshme.


“Pacientët janë të pakënaqur me shërbimet shëndetësore në sektorin publik dhe një pjesë e tyre orientohen në sektorin privat ose detyrohen të shkojnë për shërim jashtë vendit si pasojë e humbjes së besimit në institucionet vendore. Kjo pjesë në raport më tërësinë e pacientëve, është shumë e vogël për shkak të varfërisë në Kosovë. Shumica e pacientëve nuk kanë dhe nga t’ia mbajnë. Më e rënda kulmon tek humbja madje dhe e shpresës se sistemi shëndetësor në Kosovë mund të përmirësohet”, thuhet në komunikatën e kësaj lëvizje


Sipas VV sistemi shëndetësor mund të përmirësohet dhe është e realizueshme vetëm me vullnet politik, e pasuar nga strategjia për një reformë të përgjithshme në shëndetësi sikurse edhe në tërë sistemin qeverisës në Kosovë.



“Pra, nuk ka reformë parciale. Reforma në sistemin qeverisës mund të fillojë nga shëndetësia por nëse ndalon vetëm në shëndetësi do të jetë e pasuksesshme edhe aty ku ka filluar. Deri më tani kemi parë se si shpenzohen paratë publike dhe donacionet e huaja në sektorë të caktuar, herë te njëri e herë te tjetri dhe ndryshime nuk kemi. Mungesa e një plani të përgjithshëm dhe e një vullneti politik e ka sjellë këtë. Këto mungesa, koha e gjatë i bën të qëllimshme. Pra, reforma duhet të jetë politike pasi degradimi në shëndetësi buron nga politika e qëllimisht e gabuar. Nuk mund të ketë reformë të drejtë në sistemin qeverisës që ka të njëjtën politikë që e shkatërroi atë”, thuhet në komunikatën e “Vetëvendosjes”.
Shtuar më 10/10/2012, ora 15:51

Shkruani komentin tuaj!
Të fundit nga kjo kategori