"Vrima" shqetëson Mesila Dodën, ia kthen me vargjet e Dritëro Agollit
Rita Petro duket se ka shkaktuar shumë zhurmë anembanë, pas publikimit të librit "Vrima", aq sa edhe politika nuk ka mundur të qëndrojë dot në heshtje. Autorja ka guxuar duke u shprehur poetikisht përmes një komunikimi të hapur me lexuesin e saj, duke e shpalosur ndjesinë e saj erotike çiltër nga kreu deri në fund të këtij vëllimi poetik.

Por çfarë mendimi ka Mesila Doda? Ajo ka zgjedhur që në postimin e radhës në Facebook të postojë disa vargje nga Dritëro Agolli, kjo si një kundërpërgjigje e hapur.

"Qe te edukohen me estetiken te rinjte, duhet tu japesh e ti mesosh me vlera dhe simbolika qe i bartin ato. Me poshte po sjell nje poezi, nje prej atyre qe te bejne ta duash kete art dhe te germosh brenda shpirtit...
# duke ndare shqetesimin me Andis Harasani

Mos ma kujto
E shkuara ka çaste dhe ore te hidhura, mos ma kujto
per shembull, me pe me duar te lidhura, mos ma kujto!
Per shembull me pe ne rruge te pire, mos ma kujto,
Te pire e te humbur, te share e te grire, mos ma kujto!
Per shembull me rrahen dy-tre vagabonde, mos ma kujto,
Tek shihja nje grerez tek rrinte mbi gonxhe, mos ma kujto!
Per shembull pesova diku nje disfate, mos ma kujto,
Dhe gjumi s'me zinte me dite e me nate, mos ma kujto!
Per shembull me pe duke ecur e qare, mos ma kujto,
Mbeshtetur pas murit me zemer te vrare, mos ma kujto!
Per shembull me pe duke ngrene e genjyer, mos ma kujto,
Te prishur, te shturur, te rene e te thyer, mos ma kujto!
Per shembull ne shtrat s'u bera per burre, mos ma kujto,
I turpshem i drodha si qengj nen lekure, mos ma kujto!
E shkuara ka ore dhe çaste te hidhura, mos ma kujto,
Ka drojtje dhe heshtje kur lipsen te thirrura, mos ma kujto!
Dritero Agolli. /albeu.com/
Shtuar më 23/12/2015, ora 12:28

Shkruani komentin tuaj!
Të fundit nga kjo kategori