Vret gruan për të vendosur "autoritetin" e burrit
Krimi brenda familjes trondit sërish. Një 45-vjeçare, nënë e 4 fëmijëve, është ekzekutuar nga bashkëshorti i saj me çifte e automatik. Ngjarja ka ndodhur në fshatin Derven të Krujës, mëngjesin e djeshëm, rreth orës 10:30. Pas krimit, autori 52-vjeçar, Gjin Menga është vetëdorëzuar në polici, ndërsa krejt i ftohtë ka rrëfyer motivin e vrasjes së gruas. Menga ka deklaruarpolici se prej kohësh kishin mosmarrëveshje dhe se bashkëshortja e tij Liljana nuk i bindej.

"Ajo donte të ishte e para e shtëpisë. Nuk më dëgjonte asnjëherë dhe madje më fyente në sy të fëmijëve dhe të njerëzve të tjerë. Sot (dje), për bukën u grindëm. S’më shtroi bukën përpara dhe ngriti dorë ndaj meje. E vrava për të vendosur autoritetin si burrë", ka deklaruar para bluve të Krujës, 52-vjeçari Gjin Menga.

Në familjen e tij ka rënë morti, pasi tashmë 3 fëmijët e çiftit, 2 djemtë 17 e 18 vjeç dhe vajza më e madhe, mbetën pa nënë dhe pa baba. Menga ka deklaruarpolici se njëra prej vajzave të tij ndodhet në burg, pasi në vitin 2009 ka vrarë vjehrrën. /albeu.com/
Shtuar më 15/09/2013, ora 10:23
Shkruani komentin tuaj!
Të fundit nga kjo kategori