Një shqiptar është shpallur në kërkim ndërkombëtar pasi akuzohet për vrasjen makabre e ish-të dashurës ukrainase, Fotini Svitlana dhe të dashurit të saj të ri, Ioannis Zonitsa 42 vjeç.

Krimi i tmerrshëm ndodhi në tetor të vitit të shkuar.

Sipas autoriteteve ai është larguar nga Greqia, prandaj Gjykata e Korintit ka kërkuar që urdhri të shndërrohet në një urdhër arresti ndërkombëtar.

Sipas hetimit të policisë, gjurmët e gishtave të autorit të dyshuar u gjetën në shtëpi, në vendin ku u krye krimi i dyfishtë.

Shtetasi shqiptar natën e vrasjes së dyfishtë kishte mbërritur në Loutraki me një makinë e marrë prej tij me qira.

Kamerat e sigurisë kanë regjistruar makinën e bardhë që ai po voziste natën fatale.

Pasi theri 42-vjeçaren ukrainase dhe mikun e saj farmacistin grek, Zonitsa, banues në Loutraki, ai u mori atyre edhe sendet personale.

Me makinën e marrë me qira, ai u kthye në Athinë dhe pasi pastroi automjetin, ia dorëzoi kompanisë në Moskato.

Më herët, autoritetet greke dyshuan se shqiptari mund të ketë në rrugë tokësore në Shqipëri.