Vrasje gjakftohta dhe arratisje: Dosjet kriminale ku përmendet Dritan Rexhepi, koka e kartelit të drogës
Dritan Rexhepi dyshohet të jetë kreu i organizatës që u godit dje nga Europol.

Rexhepi dyshohet se ka organizuar dërgesat e mëdha të kokainës në portet kryesore të Europës dhe me ndihmën e bashkëpunëtorëve të vendosur ka bërë të mundur shpërndarjen në Itali, Holandë dhe Shqipëri, që më pas kanë bërë shpërndarjen në Europë.

Rexhepi, deri në vitin 2010 rezultonte i dënuar në mungesë me burgim të përjetshëm për vrasjen e dy policëve në Krujë, në bashkëpunim me dy persona të tjerë. Por në vitin 2010, çështja gjyqësore u veçua.

Rexhepi u dënua me 25 vjet burg, ndërsa dy bashkëpunëtorët e tij, Sokol Halilaj e Shefqet Seferi, me nga 20 vite burg. Dosja e Dritan Rexhepit, i njohur edhe me emrin Gramoz, u veçua pasi ky shtetas ndodhej në burgItali dhe u dërgua një letërporosi atje.

Ai u shpall fajtor për vrasjen e trefishtë të ndodhur në vitin 1999 Sokol Halilajn dhe Shefqet Seferin, bashkëpunëtorë të Dritan Rexhepit në këtë krim. Të tre këta persona akuzohen për vrasje për shkak të detyrës të dy efektivëve të Policisë, Arben Keqi dhe Durim Kasmi, në vitin 1999 në Krujë.

Në ngjarje, rastësisht u vra edhe pronari i një lokali në Krujë, Raim Bakiasi.

Ndërkohë, në gusht të vitit 2014, i shumëkërkuari u arrestua në Katalunja të Ekuadorit tre vjet pas arratisjes spektakolare nga një burg i Belgjikës.

Shqiptari ishte ndaluar që në fund të muajit qershor të atij viti nga Policia e Ekuadorit, si pjesë e një grupi që u kap me 278 kilogramë kokainë.

Megjithatë, askush nuk kishte dijeni për emrin e vërtetë të tij, pasi i kërkuari kishte ndryshuar pamjen dhe identitetin duke mbajtur një pasaportë greke me identitet të rremë. Ishin gjurmët e gishtave që e zbuluan vlonjatin, në atë kohë 34 vjeç.

Ndërkohë, emri i tij doli sërish në skenë lidhur me rrëmbimin e më pas zhdukjen e Jani Prengës në Tiranë.

Emrat e organizatorëve të pengmarrjes së Jani Prengës janë zbardhur nga deklarimet që ka dhënë vëllai i tij, Anton Prenga, i cili jeton në Angli, por sapo ka mësuar ngjarjen ka ardhur në Shqipëri për të negociuar.


Shtuar më 18/09/2020, ora 15:55

Shkruani komentin tuaj!
Të fundit nga kjo kategori