Një vrasje mafioze, tronditi Shkodrën ditën e djeshme, ku viktimë mbeti Fatos Ferracaku dhe i plagosur Fatmir Mehaj.

Sipas të dhënave, Fatos Ferracaku është qëlluar me armë zjarri disa herë në kokë nga një distancë e afërt, ndërsa më pas autorët janë larguar me shpejtësi me një motor që më pas u gjet i djegur disa kilometra larg qytetit.

Ndërkohë edhe pse nuk ka asnjë të dyshuar konkret policia e Shkodrës ka shoqëruar mbi 40 persona për ti marrë në pyetje.

Nga ana tjetër familjarët e të ndjerit, Fatos Ferracakut kanë deklaruar në policinë e Shkodrës se nuk kanë konflikte me askënd.

Një ditë pas ekzekutimit të 40-vjeçarit në drejtorinë e Policisë së Shkodrës shkuan edhe zyrtarë të lartë të policisë së Shtetit ku po hetohet imtësisht për zbardhjen e kësaj ngjarje të rëndë./albeu.com/