Vrasja e efektivit Prela: Autori, kushëri i Ervis Martinajt u largua jashtë
Detaje të reja zbardhen lidhur me vrasjen e efektivit të policisë Xhulio Prela, mëngjesin e 5 Dhjetorit.

Ashtu sikundër u raportua dhe më herët, konflikti ka nisur për shkak të dritave të gjata të makinës së njërit prej mjeteve, që duket se kanë penguar drejtuesin e mjetit tjetër.

Mësohet se autorët kanë qenë të veshur me rroba ushtarake dhe ktheheshin nga gjuetia. Ata kanë mbërritur pranë karburantit ku ndodhi ngjarja, 3 minuta përpara se aty të mbërrinte edhe Xhulio Prela. Duket se kanë qenë pikërisht kamerat e karburantit që kanë bërë të mundur identifikimin e tyre, ndërsa mësohet se nga nisja e konfliktit tek momenti, i vrasjes debati ka zgjatur vetëm 11 sekonda.

Gazetarja Klodiana Lala u shpreh se referuar dosjes së Prokurorisë autorët e dyshuar janë filmuar nga kamerat e karburantit vetëm pak metra vendit të ngjarjes.

“Ata ndalojnë me një automjet, e furnizojnë me karburant, ku shfaqet i veshur me rroba ushtarake. Pas kësaj ai niset në rrugë dhe pak metra më larg, ka patur një shkëbim dritash mes të rinjve. Xhulio Prela është afruar dhe debati mes tyre ka zgjatur 11 sekonda. Njëri prej tyre e ka qëlluar me pistoletë 3 herë. Njëri prej plumbave e ka prekur në trup Xhulio Prelën. Nga kamerat e karburant “Prelashit” është identifikuar targa e mjetit. Prokuororia ka thirrur dhe ka marr në pyetje Nikoll Sherrnikun, i cili ka thënë emrin e personit që i kishte dhënë automjetin. Personi i dytë që rezulton të jetë i shpallur në kërkim për këtë ngjarje të rëndë, është shtetasi Brilant Martinaj, që rezulton të jetë kushëri i parë me Ervis Martinaj. Ai rezulton të jetë larguar jashtë vendit, pas kësaj ngjarjeje të rëndë”, tha Lala.

Xhulio Prela po kthehej nga Shkodra, nga ku kishte dërguar më herët një mikun e tij që ishte kthyer nga Anglia. Vrasja ndodhi në afërsi të fshatit Gajush në orën 03:00 të mëngjesit. Policia njoftoi sot arrestimin e Nikoll Sherrnikut, 21-vjeçarit që dyshohet si një nga autorët e kësaj ngjarjeje, ndërkohë që është shpallur në kërkim ndërkombëtar bashkëpunëtori i tij Brilant Martinaj.
Shtuar më 20/12/2020, ora 15:28

Shkruani komentin tuaj!
Të fundit nga kjo kategori