E FUNDIT/ Mbyllen pjesët e para, kryesojnë Laçi dhe Teuta (VIDEO)
Vrasja e bujshme mes Elbasanit, prova që fundos autorët e krimit të rëndë
Dhe pse kanë kaluar 9 vite nga vrasja e bujshme në Elbasan, së fundmi Policia dhe Prokuroria e këtij qyteti kanë mundur të identifikojnë një nga personat e dyshuar për ekzekutimin e biznesmenit Ilir Rexhepi.

Mihal alias Mirgen Toshi është i dyshuari kryesor për krimin e ndodhur më 30 dhjetor të 2011-s në Elbasan, por në këtë fazë ku ndodhen hetimet ende nuk është lëshuar një mandat arresti ndaj tij.

Në periudhën kur është kryer vrasja, korçari Toshi ka vepruar si pjesë e një grupi kriminal në qytetin e Elbasanit.

Dyshohet se Mihal Toshi, aktualisht ndodhet në Selanik të Greqisë, ku po vuan një dënim me 16 vite burg për trafik droge, shkruan oranews.

Zbulimi i tij si autori i vrasjes të ndodhur 9 vite më parë është kryer pas realizimit të analizave të ADN-s, mes një profile pështyme dhe gjaku, të gjendura në vendngajrje.

Nga analizimi i dy profileve gjenetike ka dalë rezultati se Mihal alias Mirgen Toshi, është një nga 3 personat që ka marrë pjesë në vrasjen e biznesmenit Ilir Rexhepi.

Mësohet se ADN-ja e Toshit është ekzaminuar dhe në dy ngjarje të tjera kriminale të ndodhura në Elbasan,si ajo e vrasjes së Ardian Ibrahimit, kunatit të Fadil Memës dhe vrasjes së Roland Rexhepit, por profilet në këto ngjarje kanë dalë negative.

Ndërkohë për ekzekutimin e Ilir Rexhepit, prokuroria e Elbasanit pak kohë më parë, ka kërkuar të ekzaminohen profilet gjenetike edhe për shtetasin Olsi alias Jorgo Leku, i kapur në Athinë, si pjesë një e një grupi kriminal që ka marrë pjesë në vrasjen e Gentian dhe Nezir Beqirit.

Deri në këtë fazë ende nuk ka një përgjigje konkrete nëse rezultatet e profileve gjenetike të Olsi Lekut të jenë të njëjta me ato që janë gjendur në vrasjen e Ilir Rexhepit.

Ekzekutimi i këtij të fundit është kryer me pagesë për llogari të një grupi kriminal në Elbasan. Kjo pasi dy vite më parë, në 29 korrik 2009, i njëjti grup kriminal, urdhëroi vrasjen e vëllait të Ilirit, Roland Rexhepit ose siç njihej ndryshe me nofkën ”Doda”.

Eleminimi i dy vëllezërve është pjesë e serialit të vrasjeve mafioze të ndodhura gjatë këtyre viteve në qytetin e Elbasanit.
Shtuar më 25/01/2021, ora 18:48

Shkruani komentin tuaj!
Të fundit nga kjo kategori