“Kur humbet disiplinën atëherë humbet identitetin”, Ibra sulmon ashpër Mbappen

Zlatan Ibrahimovic kishte në shënjestër Kylian Mbappe dhe familjen e tij pasi ata kanë qenë nën vëzhgim prej muajsh për shkak të kontratës së tyre me PSG-në dhe sjelljes së yllit të ri francez.

-Nuk e njoh Mbappen si person, por si lojtar ai është fantastik. Por kur humbet disiplinën atëherë humbet identitetin. Kjo është arsyeja pse Zidane është Zidane. Mbappe dëshiron të jetë si ai? A e bëri Mbappe zgjedhjen e duhur për të qëndruar te PSG? Nuk është për të, është për PSG-në”, tha Zlatan, i cili tha se tani futbollisti francez po shijon rehatinë që mund të jetë e dëmshme për të.

–Tani është në një situatë ku është më i rëndësishëm se klubi. Klubi i dha atij çelësat e tij. Por kurrë nuk mund të jesh dhe nuk je më i madh se klubi.

Në radhë ishin prindërit e Mbappes, babai Wilfrid dhe nëna Fayza, të cilët njihen si mbështetësit e madh të djalit të tyre, dhe reagimi i tyre është i pritshëm.

–Kur një fëmijë bëhet i fortë, ai mund të fitojë lehtësisht para, kështu që prindërit e tij bëhen avokatë, agjentë, trajnerë. Ata bëhen diçka tjetër. Ky është problemi.

–Atëherë ju humbni disiplinën tuaj personale dhe atë që jeni. Tani brezat e rinj me babanë, nënën, prindërit mendojnë menjëherë se mund të bëhen yje. Ata bëjnë deklarata në media. Por çfarë mendojnë ata se janë? Mbylle gojën. I takon djalit tënd, lojtarit, të punojë dhe të jetë i disiplinuar”, tha ashpër Ibrahimovic. /G.D albeu.com/


Shtuar 3.11.2022 12:46