Votohet ne Komunen e Parteshit
Albeu.com
Procesi i votimit për kryetar të Komunës së re të Parteshit ka nisur të dielën me kohë, në orën 7:00 të mëngjesit. Deri në mesditë interesimi për të votuar ka qenë i kënaqshëm, kanë thënë zyrtarë komunë të KKZ-së të dielën.
Sima Simiq, menaxher në Qendrën e votimit në Partesh dhe në dy vendvotimet e kësaj komune, është shprehur i kënaqur me pjesëmarrjen e votuesve. Ai ka thënë se pasdite pritet të ketë më shuë votues, pasi të dielën njerëzit zakonisht pushojmë më shumë në orët e paraditës. Ai pret pjesëmarrje solide në zgjedhje, pasi, sipas tij, kanë ardhur në pushime edhe bashkatdhetarët nga shtetet perendimore. "Gjithçka po shkon mirë. Nuk ka asnjë problem, dhe populli po voton si është më së miri", është
shprehur Simiq Ndërkaq, 78 vjeçari, Aleksandër Simiq, i cili sapo kishte hedhur votën në kutinë e
votimit, tha se ishte i kënaqur që njerëzit po votonin për një qeverisje dhe kryetar të Parteshit. Ai ka fajësuar liderët politikë që i kanë përçarë njerëzit, dhe ka ardhur koha që të dalim së bashku në zgjedhje, pa dallim a janë serbë a shqiptarë dhe të punojnë për të rinjtë dhe për të ardhmen e përbashkët. "Votova për një jetë më të mirë, për të gjithë, me ndarje, me urrejtje nuk shkohet askund. Mjaftë kemi vuajtur nga ndarjet. Duhet të punojmë e ndërtojmë së bashku, për këta që po vijnë
pas nesh, për fëmijët tanë", ka porositur Aleksandri politikanët.
Tri qendra votimi në Partesh, Pasjan dhe Budrikë dhe 5 vendvotie janë hapur me kohë dhe procesi zgjedhor po rrjedhë pa asnjë proble,, ka thënë Zoran Stojanoviq, përgjegjës i KKZ të Parteshit. Zgjedhjet e së dielës në Partesh për kryetar komune janë duke u monitoruar nga përfaqësues të Ambasadës së SHBA-së, e cila ka angazhuar 29 vëzhgues. Gjithsejt janë akredituar 45 vëzhgues.
Në zgjedhjet e balotazhit garojnë Nenad Cvetkoviq dhe Todor Mirkoviq. Në raundin e parë të zgjedhjeve, nga 4 kandidatë, Cvetkoviq nga Iniciativa Qytetare „Zaviçaj" kishte fituar 47.68 për qind të votave, ndërsa Mirkoviq nga Iniciativa e Listës së Bashkuar Serbe (JSL) kishte fituar 25.46 për qind të votave. Të drejtë vote kanë 3.508 votues. (koha)
Shtuar më 18/07/2010, ora 13:16
Tage: arkiv
Shkruani komentin tuaj!
Të fundit nga kjo kategori