Lindita Nikolla flet për herë të parë për pagat e pedagogëve
Ditën e sotme, ministrja e Arsimit, Lindita Nikolla ka kërkuar ndjesë publike për vonesën e pagave të pedagogëve.

Gjatë një konference në një universitet privat, Nikolla shpjegoi se çfarë ndodhi me pagat duke mos shmangur as përgjegjësinë nga vetja.

“Unë do të përfitoj nga rasti të kërkoj një ndjesë të madhe publike të gjithë pedagogëve dhe pedagogeve por dhe administratës së universiteteve publike për vonesën e pagës së tyre.

Kjo vonesë nuk është as më shumë e as më pak por pikërisht edhe nevoja që qeveria dhe institucionet qeverisëse të bëjnë maksimalisht detyrat e tyre të shtëpisë, sepse është një axhustim i nevojshëm që vjen përmes ligjit të ri të arsimit të lartë që ofron më shumë autonomi financiare për universitetet duke vendosur që çdo buxhet që mbetet në fund të vitit të trashëgohet në vitin pasardhës buxhetor"- deklaroi Lindita Nikolla. /albeu.com/

Shtuar më 10/02/2018, ora 11:09

Shkruani komentin tuaj!
Të fundit nga kjo kategori