Vokshi iu drejtua policit kufitar me fjalën: "Kafshë!"
Pëlqej
Albana Vokshi
Shprehjet e rënda si “kafshë” apo “ju s’dini gjë”, drejtuar policit kufitar të Kosovës, çuan para gjykatës deputeten e Partisë Demokratike, Albana Vokshi.
Ajo u dënua nga drejtësia me 250 euro gjobë për fyerje dhe moszbatim të urdhrit të personit zyrtar. Sharjet që kanë dalë nga goja e një deputeteje, duhet të jenë përjetuar rëndë prej njërit nga pjesëtarët e Policisë Kufitare të Kosovës, shkruan “Express”.

E bindur se të gjitha rrugët duhet t’i ketë të hapura, sepse është deputete e Parlamentit të Shqipërisë, Albana Vokshi ishte nisur për një vizitë private drejt Kosovës.

Të dielën në mesditë, në pikën kufitare në Vërmicë, ajo ka dashur ta kalojë pa dhënë shumë llogari se kush është dhe pa i respektuar disa procedura ligjore.

Në këtë moment thuhet se kishte plasur sherri. “Ju s’dini gjë”, i është drejtuar Vokshi, deputete e Partisë Demokratike të Shqipërisë, policit kufitar të Kosovës.

Fyerjet e saj kanë vazhduar edhe më tej. “Ti qenke kafshë”, i ka thënë ajo policit në mesditën e së dielës që shkoi, në zonën kufitare.

Deputetja Vokshi ndodhej e shoqëruar edhe me dy persona të tjerë dhe donte të hynte në territorin e Republikës së Kosovës, pa u legjitimuar.

“Do ta shikoni ju se kush jam unë”, kishte vazhduar më tej deputetja Vokshi, kur kishte parë se polici kufitar, as që e kishte ndërmend të vepronte ndryshe, për aq kohë sa ajo nuk kishte përfillur disa procedura.
Shtuar më 18/11/2010, ora 11:03
Shkruani komentin tuaj!
Të fundit nga kjo kategori