Vodhën 510 000 euro, kapen 9 punonjësit e Call Center-it në Tiranë
9 persona kanë rënë në pranga e policisë në Tiranë pasi akuzohen për mashtrim.

Sipas burimeve nga policia personat në fjalë janë punonjës të një "Call Center-i" dhe bënin mashtrime në një kompani telefonike.

Gjithashtu janë proceduar në gjëndje të lirë dhe 5 shtetas, ndërsa 6 të tjerë janë shpallur në kërkim.

Këta persona dyshohet se kryenin aktivitetin e kundraligjshëm të rimbushjes dhe aktivizimit të paketave promocionale të një kompanie telefonike celulari (jashtë vendit) duke përdorur aplikacione dhe platforma të kundërligjshme dhe kanë realizuar vjedhje duke shpërdoruar detyrën në postet e tyre të punës që kanë në një kompani Call Centri me adresë në qytetin e Tiranës, duke i shkaktuar kompanisë telefonike një dëm prej 510 000 euro.

Njoftimi:

Operacion policor i koduar “Çentralisti” nga Seksioni për Hetimin e Krimit Ekonomik dhe Financiar në bashkëpunim me Prokurorinë e Rrethit Gjyqësor Tiranë.

Ndalohen 9 shtetas për veprën penale “Vjedhje duke shpërdoruar detyrën”.

Gjithashtu procedohen në gjëndje të lirë dhe 5 shtetas, ndërsa 6 të tjerë shpallen në kërkim.

Seksioni për Hetimin e Krimit Ekonomik dhe Financiar në DVP Tiranë në bashkëpunim me Prokurorinë e Rrethit Gjyqësor Tiranë, pas një pune intensive hetimore 8 mujore, në kuadër të procedimit penal të vitit 2018, finalizoi operacionin policor të koduar “Çentralisti”, ku u ndaluan shtetasit:

J. F., 36 vjeç, banues në Tiranë
A. V., 30 vjeç, banues në Fier
E. K., 33 vjeç, banues në Tiranë
F. A., 27 vjeç, banues në Tiranë
S. B., 35 vjeç, banues në Tiranë
A. D., 34 vjeç, banues në Tiranë
O. S., 22 vjeç, banues në Tiranë
A. G., 38 vjeç, banues në Tiranë
D. O., 25 vjeç, banues në Tiranë
 
Shtetasit e lartpërmendur kryenin aktivitetin e kundraligjshëm të rimbushjes dhe aktivizimit të paketave promocionale të një kompanie telefonike celulari (jashtë vendit) duke përdorur aplikacione dhe platforma të kundërligjshme dhe kanë realizuar vjedhje duke shpërdoruar detyrën në postet e tyre të punës që kanë në një kompani Call Centri me adresë në qytetin e Tiranës, duke i shkaktuar kompanisë telefonike një dëm prej 510 000 euro.
 
Gjithashtu janë proceduar në gjëndje të lirë dhe 5 shtetas, ndërsa 6 të tjerë janë shpallur në kërkim.

Materialet proceduriale i kaluan Prokurorisë pranë Gjykatës së Shkallës së Parë Tiranë, në ngarkim të shtetasve të lartpërmendur, për veprën penale “Vjedhje duke shpërdoruar detyrën” të parashikuar nga neni 135/2 i Kodit Penal”. /albeu.com/
Shtuar më 27/02/2019, ora 12:29
Shkruani komentin tuaj!
Të fundit nga kjo kategori