Vjedhja në BSH, Prokuroria: Paratë nuk hynë kurrë në Thesar
Pëlqej
Kur pritet masa e sigurisë për ish Guvernatorin e Bankës së Shqipërisë Ardian Fullani, Prokuroria e Tiranës nis hetimin e transaksioneve të kryera nga institucioni që ai ka drejtuar. Lajmi konfirmohet nga burime të besuara të "GSH", të cilat thanë se do të verifikohen të gjitha transaksionet, sidomos ato të kryera prej vitit 2011, kohë në të cilën Ardian Bitraj, ishpërgjegjës i Arkës Stok, u pohoi hetuesve se ka nisur vjedhjen në Thesarin e Shtetit.

Burime nga prokuroria shprehen për "GSH" se ka dyshime që shumica e parave të zhdukura nuk u futën kurrë në Thesar, por janë transferuar në llogari private.

Dërgimi në qeli i Fullanit, njeriut që deri më dje konsiderohej si i "paprekshëm", dhe Inspektores së Përgjithshme të BSH-së, Elivar Golemi, që me shumë gjasë, do të shoqërohet edhe nga të tjerë, ka bërë që prokuroria të fokusohet tashmë për të zbuluar se ku kanë përfunduar milionat e vjedhura në Departamentin e Emisionit.

"Përmes hetimit të transaksioneve, mund të zbulojmë destinacionin e parave të vjedhura në Thesar, pasi kemi dyshime të forta për transferimin e tyre jashtë vendit. Do të verifikohen kryesisht transaksionet e dyshimta të kryera nga BSH. Është një hetim që do kohën e vet, pasi vepra penale është kryer në vazhdimësi. Transaksionet që do të verifikohen janë të shumta dhe, natyrisht, duhen parë dhe aspekte të tjera të çështjes", shprehet një zyrtar i Prokurorisë. /albeu.com/
Shtuar më 07/09/2014, ora 09:45
Shkruani komentin tuaj!
Të fundit nga kjo kategori