Vis Martinaj kishte hyrë garant, përmbyset historia e masakrës në Bllok
Dalja e një emri tjetër të përfshirë në masakrën e ish-Bllokut ka ndryshuar krejtësisht hetimet në lidhje me të.

Gjatë pyetjes së personave të përfshirë në këtë ngjarje, prokuroria ka arritur në emrin e Eldi Dizdarit, personit kyç që dyshohet se ka sjellë edhe situatën e tensionuar mes të dashurit të Elvana Gjatës, Ervin Mata dhe grupit të Vis Martinajt.

Sipas prokurorisë, Dizdari ishte në konflikt me Matën për një sasi kokaine, të cilën ky i fundit nuk ia ka mundësuar sipas marrëveshjes.

Në lidhje me këtë, bëjnë të ditur burime pranë organit të akuzës, Dizdari ka folur me Vis Martinajn dhe grupin e tij, të cilit i ka kërkuar që t'ia zgjidhin si çështje.

Pikërisht këtu nis edhe historia dhe konflikti Mata-Martinaj si edhe shkaku se përse ata kishin lënë për t'u sqaruar tek lokali i Redi Popescut, ngjarje e cila solli një të vrarë dhe tre të plagosur, përfshi Vis Martinajn. /albeu.com/

Shtuar më 28/11/2018, ora 11:35
Shkruani komentin tuaj!
Të fundit nga kjo kategori