Tronditja e shkarkimit të djeshëm të Manjanit si edhe akuzat e hedhura prej tij po vijojnë edhe sot. Gjatë mbledhjes së paraditës në Komisionin e Ligjeve, deputeti socialist Piro Lutaj tha ndër të tjera se Manjani nuk kishte sjellë ende analizat duke aluduar për probleme psiqike të tij.

Nuk zgjati shumë dhe Manjani u përgjigj duke thënë se ai analizat mund t'ja kërkojne fillimisht shefit të tij, Edi Ramës duke i thënë se mund t'i gjente të botuara tek gazeta Tema para disa vitesh, ndërkohë që socialistin e cilësoi si "deputet koti".

Lutaj është përgjigjur sërish duke thënë se i vinte keq që kishte votuar pro në ministri pervers si Manjani. /Albeu.com/