Vetëvendosja “qëndis” me parulla veturat dhe murin rrethues të UNMIK-ut
Albeu.com
Aktivistë të Lëvizjes “Vendvendosje” kanë ndërmarrë aksion në Prishtinë duke shkruar, në veturat e UNMIK-ut që janë hasur në qytet, fjalën “vrasës” kurse në murin rrethues të ndërtesës së UNMIK-ut kanë shkruar “Lironi Albinin”.Protesta është ndërmarrë ndaj UNMIK-ut për mos ndriçimin e vrasjes së dy demonstruesve pra 2 muajsh. Zëdhënësi i SHPK-së, Veton Elshani tha për RTK se hetimet rreth këtij rasti janë duke vazhduar por ato nuk mund të kryhen shpejt.
Aktivistët e Lëvizjes “Vetëvendosje” bllokonin edhe makinat që ishin në qarkullim duke formuar përreth tyre muri të gjallë derisa shkruanin, në dy anët e tyre, me ngjyrë të kuqe fjalën “vrasës” dhe pastaj i lironin.

Kjo fjalë u shkrua edhe në makina që drejtoheshin nga policë të UNMIK-ut. Po kështu në murin rrethues të ndërtesës së UNMIK-ut, ata shkruan fjalën “Lironi Albinin”. I gjithë ky aksionin është përcjellur nga disa policë të SHPK-së, të cilët vetëm kanë fotografuar.

Aksioni është ndërmarrë në 2 mujorin e vrasjes së Arben Xheladinit dhe Mon Balajt, në demonstratën e organizuara nga “Vetëvendosja” thotë aktivisti Frashër Krasniqi.
“ Qe dy muaj ende asnjë vrasës nuk është dënuar, bile vrasësit kanë ikur nga vendi i krimit ndërsa në burg mbahet Albin Kurti i cili nuk faj dhe nuk ka nevojë për kurrfarë hetimesh për me vërtetu këtë. Ne mendojmë që vrasës është i tërë ky sistem i cili dha urdhër për me gjuajt mbi demonstruesit paqësor me 10 shkurt”, ka thënë Krasniqi.

“Janë marrë me qindra deklarata nga dëshmitarë të mundshëm, po ashtu janë mbledhë prova materiale, mirëpo diçka konkrete ende nuk kemi. Atë që ne e kemi theksuar gjithmonë është se ky është një hetim shumë delikat sepse aty kanë marrë pjesë me mijëra njerëz. Kështu që duhet të jemi shumë profesional në punën tonë që ky hetim të përfundojë ashtu siç duhet”, ka thënë zëdhënësi Elshani. start
Shtuar më 11/04/2007, ora 15:22
Tage: arkiv

Shkruani komentin tuaj!
Të fundit nga kjo kategori