Vendimi i ri, sa duhet t'a keni mesataren për t'u pranuar në universitet
Të gjithë ata që dëshirojnë të vazhdojnë studimet në një prej institucioneve të arsimit të lartë në vend për vitin akademik 2018-2019, për nivelin bachelor duhet të kenë një mesatare mbi 6-të.

Ja vendimi për noten mesatare sipas programeve

-Për të gjithë kandidatët, të cilët kanë përfunduar arsimin e mesëm të lartë, nota mesatare për pranimin në programet e studimit të ciklit të parë dhe në programet e integruara të studimeve të ciklit të dytë ose për të transferuar studimet në vitet e ndërmjetme të këtyre programeve, në institucionet e arsimit të lartë, për vitin akademik 2018-2019, të jetë nota 6 (gjashtë)

-Për kandidatët që aplikojnë për t’u pranuar në programet e studimit të fushës së mësuesisë, për vitin akademik 2018–2019, nota mesatare e përllogaritur, sipas këtij vendimi, të jetë nota 7 (shtatë)

– Kandidatët që aplikojnë për t’u pranuar në programet e studimeve dyvjeçare, me karakter profesional, nuk kanë detyrimin të plotësojnë kriterin e notës mesatare të parashikuar në pikën 2, të këtij vendimi.

– Në rastet kur nuk aplikohen provimet e Maturës Shtetërore, komisioni përkatës përcakton mënyrën e përllogaritjes së notës mesatare. Komisioni përkatës dërgon të dhënat te njësia arsimore përkatëse /albeu.com/

Shtuar më 28/04/2018, ora 13:47

Shkruani komentin tuaj!
Të fundit nga kjo kategori