Vëllai iu vra një vit më parë, kush është shenjestra e shpërthimit me tritol
Një ngjarje e rëndë ka ndodhur pasditen e sotme në Tiranë në zonën e Vasil Shantos.

Një makinë, së cilës i ishte vendosur lëndë shpërthyese, ka shpërthyer duke plagosur rëndë dhe gjymtuar një shtetas.

Preng Gjini ishte shënjestra e shpërthimit që ndodhi pasditen e sotme në Tiranë. Ai është vëllai i Tonin Gjinit, i cili u vra me breshëri plumbash në qendër të Rrëshenit rreth një vit më parë.

Mjeti që është hedhur në erë nga një lëndë plasëse është ndjekur nga një tjetër makinë.

Dyshohet se shpërthimi i tritolit u bë për hakmarrje të vrasjeve në Mirditë.

Ngjarja ka ndodhur tek Ura e Selitës, ku janë mbledhur dhjetëra njerëz për të mësuar çfarë e shkaktoi shpërtimin e fuqishëm.

Preng Gjini është dërguar në spitalin e Traumës në gjendje të rëndë, ndërsa burime bëjnë me dije se ishte shpërthim i telekomanduar. Ndërkohë, në vendngjarje ka mbërritur policia që po punon për zbardhjen e rrethanave të ngjarjes.
Shtuar më 15/09/2020, ora 20:29

Shkruani komentin tuaj!
Të fundit nga kjo kategori