Veliaj flet pasi u shërua nga COVID-19: Më bënë edhe të vdekur!
"Filluan me lloj lloj çudirash “shikoni si është nxirë, më bënë të vdekur në Turqi..."

Kryebashkiaku i Tiranës, Erion Veliaj i ka uruar shërim të shpejtë, kryebashkiakes së Shkodrës Voltana Ademit, e cila u konfirmua pozitive më Covid-19 ditën e sotme.

Gjatë një interviste në "Abc News", i pyetur se çfarë i këshillon koleges së tij, Veliaj tha se duhet të marrë shumë vitaminë C dhe D.

Edhe pse jo i kënaqur me mënyrën se si e trajtuan çështjen e tij (kur u prek me covid), Veliaj tha se mbi të gjitha duhet të mbizotërojë njerzëlliku mes njeri-tjetrit.

"Së pari i uroj shërim të shpejtë. Është e rëndësishme që të prevalojë njerzëlliku. Kjo nuk ndodhi me mua. Filluan me lloj lloj çudirash “shikoni si është nxirë, më bënë të vdekur në Turqi etj etj.

Unë nuk dua të bëj kështu, ndaj i uroj Voltanës shëndet të plotë, asaj dhe familjes, jetë të paqtë. I këshilloj që të marri shumë vitaminë C dhe D, të ndjekë këshillat e mjekëve. Unë vetë jam ndjekur nga mjekët e Covid-2", tha Veliaj.
Shtuar më 22/09/2020, ora 18:32

Shkruani komentin tuaj!
Të fundit nga kjo kategori