Ish-kryeministri Sali Berisha në një kominikim me gazetarët në ambientet e jashtme të Kuvendit ka zbuluar disa skenarë të protestës.
Berisha tha se sot është një ditë e madhe pasi do të protestohet kundër regjimit të Edi Ramës, dhe gjithashtu shtoi se protesta nuk do të ndalet deri sa të arrihen qëllimet e saj.
Gjithnjë protesta ka skenarin e vetë, e rëndësishme është të japim mesazhin e fuqishëm se shqiptarët nuk do lejojnë më këtë regjim. Kjo është protesta që inauguron procesin e largimit të Edi Ramës nga pushteti dhe protesta nuk do të ndalet deri në realizimin e qëllimeve të saj”, tha Berisha.
Ai shtoi: “Kundër vjedhjeve të tij që tejkalojnë çdo lloj imagjinate kundër politikës dhe manipulimeve të votës dhe sistemeve elktorale, kundër Ballkanit të Hapur protestojnë fuqishëm mbarë shqiptarët. Dua të shpreh ftesën time për qytetarët e Tiranës dhe gjithë Shqipërisë të bashkohen në orën 7 në protestën përballë Kryeministrisë”./albeu.com
