Varësi nga droga! Në këtë shtet europian nuk do t'ju arrestojë askush: Jo më burg
Norvegjia ka marrë një vendim të rëndësishëm duke lehtësuar ligjet e saj të rrepta kundër përdorimit rekreativ të drogës duke u përqëndruar më tepër te trajtimi i përdoruesve sesa arrestimi apo gjobitje për ata që kanë sasi të vogla.

Kombi nordik ka një nga nivelet më të larta të vdekshmërisë në Evropë të shkaktuar nga drogërat, tregojnë të dhënat e BE-së, një fakt që qeveria shpreson ta ndryshojë, por legjislacioni është politikisht i diskutueshëm dhe mbetet e paqartë nëse do të miratohet nga parlamenti.

"Dënimi penal që ka zgjatur me dekada nuk ka funksionuar," tha udhëheqësi i Partisë Liberale dhe Ministri i Arsimit Guri Melby në një konferencë shtypi.

"Ne nuk do të qëndrojmë në vend dhe të shikojmë sesi njerëzit quhen kriminelë kur ata janë në të vërtetë të sëmurë." perfundoi ai.

Droga, përfshirë heroinën, kokainën dhe kanabisin, do të mbetej e paligjshme dhe subjekt i konfiskimit nga policia, sipas propozimit të qeverisë. Por posedimi i sasive të vogla nuk do të dënohet më.

Në vend të kësaj, këshillimi do të bëhet i detyrueshëm dhe refuzimi për të kërkuar ndihmë mund të rezultojë në një gjobë.

Shtuar më 19/02/2021, ora 16:07

Shkruani komentin tuaj!
Të fundit nga kjo kategori