Vajza rrëfen tmerrin: Babai më dhunoi seksualisht për 10 vjet
Një vajzë shqiptare e identifikuar me pseudonimin Xhesi ka rrëfyer ngjarjen e tmerrshme në gjykatë se si babai i saj 45­vjeçar ka abuzuar me të seksualisht për 10 vjet rresht.
Para trupit gjykues ajo tregon, raporton “Il Messagero” se babai e kërcënonte.

“Nëse i thua dikujt do të vras motrën, mamanë dhe më pas edhe veten”, kështu e kërcënonte babai xhesin. Babai 45¬vjeçar rezident në Vallesina të Italisë, dyshohet se ka abuzuar në mënyrë të përsëritur me vajzën që kur ajo ishte 8¬vjeçe.

Ai ka kryer marrëdhënie seksuale fshehurazi më të bijën, pothuajse çdo ditë, kryesisht në mëngjes para se ta shoqëronte për në shkollë. Por, tani ai akuzohet edhe nga një shoqe e Xhesit, se kur ajo ishte e mitur, gjatë një udhëtimi në plazh, 45¬vjeçari shqiptar e ka ngacmuar seksualisht.

Prokurorja kërkoi 21 vite burgim për babanë shqiptar të Xhesit, të reduktuar në 14 vite, pas pranimit të gjykimit të shkurtuar. /Albeu.com/
Shtuar më 24/06/2016, ora 19:51

Shkruani komentin tuaj!
Të fundit nga kjo kategori