Vacek i shqetesuar per shtimin e parregullsive per zgjedhjet e 3 korrikut
Albeu.com
Me afrimin e dites se zgjedhjeve, parregullsite po shtohen dhe kjo jo nga ceshtjet administrative qe mund ta bllokojne procesin, por nga ato qe lidhen me pergjegjesine e partive politike dhe udheheqjeve te tyre perkatese". Keshtu shprehet ne nje interviste per radion Europa e lire, Ambasadori i misionit te OSBE-se ne Shqiperi, Pavel Vacek. "Ka shqetesime per nje sere parregullsish. Jemi me pak te shqetesuar per parregullsite teknike dhe administrative, te cilat mund te ndreqen" - , por jemi me te shqetesuar nga fakti se ka disa kandidate te emeruar nga partite perkatese, qe nuk sillen sipas standardeve me te larta te miratuara nga partite politike shqiptare, te perfshira ne kodin e sjelljes - thote Vacek. Ceshtja kryesore eshte nese Shqiperia do te jete ne gjendje te beje zgjedhje me te mira dhe sa me ne perputhje me standardet nderkombetare dhe angazhimet e OSBE-se. "Sic dihet, kjo eshte sfida qe i ben keto zgjedhje kaq te rendesishme, jo vetem per vete vendin, demokracine e tij, por edhe per ambicjet e jashtme te Shqiperise". Sipas ambasadorit te OSBE, rreziku eshte se kombinimi i te gjitha parregullsive individuale te llojeve te ndryshme, nuk do ta lejonte Shqiperine te bente zgjedhje me te mira ne nje mase te konsiderueshme. Lidhur me listat e zgjedhesve Vacek tha se ato kane patur disa probleme. "Ka pasur vonesa ne nivele dhe faza te ndryshme te proceseve, por ne shohim, gjithashtu, se ka permiresim te vazhdueshem, edhe fale veprimeve korrigjuese te ndermarra nga autoritete te ndryshme te perfshira ne pergatitjen e listave zgjedhore. I pyetur nese ndihet optimist se keto zgjedhje do te shkojne mire, Vacek tha "duhet te jem optimist, pasi kjo eshte pjese e qendrimit tone dhe e menyres se si ne i trajtojme gjerat". news 24
Shtuar më 18/06/2005, ora 16:48
Tage: arkiv
Shkruani komentin tuaj!
Të fundit nga kjo kategori