Unioni i Gjyqtarëve-Tahirit: Nuk është etike publikimi i dosjeve
Ditën e sotme ka reaguar Unioni i Gjyqtarëve pas letrës së ministrit të Brendshëm, Sajmir Tahiri, drejtuar Presidentit Nishani me një listë me 30 vendime gjykatash dhe të Prokurorisë, të cilat rezultojnë me shkelje.

Sipas ministrit Tahiri, presidenti Nishani duhet të marrë masat ndëshkuese për ata gjyqtarë që nuk kanë vepruar siç duhet, duke u bazuar tek ligji.

Në letrën e ministrit Tahiri, citohet se këto janë ‘vendimet sa flagrante aq edhe absurde’. Lidhur me këtë çështje, Unioni i Gjyqtarëve ka nënvizuar se mirëpret dhe inkurajon çdo kritikë, por në këtë rast thonë ata: “kritikat e ministrit janë të bazuara në dyshime”.

“Është jo etike publikimi i dosjeve dhe emrave nga ministri. Shqetësim për deklarata që ulin besimin tek gjyqësori. Deklaratat, për vendimet e shkallës së parë”, theksohet nga ata. /albeu.com/
Shtuar më 27/10/2014, ora 13:36

Shkruani komentin tuaj!
Të fundit nga kjo kategori