Udhëtonte me pajisje përgjuese, ja kush është izraeliti “misterioz”(FOTO LAJM)
Ditën e enjtë në aeroportin e Rinasit u zbulua një pajisje e dyshimtë, e raportuar si një pajisje përgjimi, e cila u gjet në bagazhet e një shtetasi izraelit i cili po largohej nga Shqipëria.

Policia bëri me dije se shtetasi izraelit i ndaluar është identifikuar si Yoram Frig dhe si duket nuk ishte hera e parë që ai gjendej në Shqipëri.

Nga verifikimet në sistemin Tims, të këtij personi, ka rezultuar se Frik për herë të parë ka mbërritur në Shqipëri në vitin 2011, raporton Shqiptarja.com.

Nuk dihet me saktësi se cili ka qenë qëllimi i kësaj vizite, por pas kësaj Frig ka mbërritur në Shqipëri dhe katër herë të tjera. Sipas të dhënave të sistemit Tims, ky shtetas ka hyrë në vitin 2014, 2015, dhe së fundi 2017.

Madje gjatë një vizite në Tiranë në vitin 2014,51-vjeçari Yoram Frig, ka postuar dhe një foto në profilin e tij në “Facebook”, ku sipas fotos mendohet se është në zonën e “Ali Demit” ose “Freskut” në kryeqytet. Kjo pasi mali i Dajtit ndodhet shumë pranë.

51-vjeçari me origjinë nga Izraeli rezulton dhe posedues i dy kompanive investiguese në Izrael ç’ka shton dyshimet se ai ka njohur nga përgjimet apo nga survejimet në teren.

Emri i Yoram Fring është bërë publik dhe gjatë skandalit të “Panama Papers” si person që dispononte kompani të regjistruara në ishujt offshore. Kompanitë e tij quhen “Faturenet Holding corp” Oracle FLEXCUBE Knoë-Hoë e regjistruar në ishullin e Qipros.

Ndërkohë në Izrael ky shtetas disponon dhe një kompani tjetër të quajtur “Investigation and Security”, ku duket se nëpërmjet kësaj kompanie ky shtetas jepte asistencën e tij, kundrejt personave të interesuar.

Me sa duket qëllimi i vizitës së tij në Shqipëri ka qenë pikërisht dhe përgjimi i paautorizuar i personave të ndryshëm. Ka shumë gjasa që Frig, mund të jetë paguar nga ndonjë biznesmen Shqiptar, i cili i ka ofruar më pas asistencë në fushën e përgjimeve dhe deduktimin e pajisjeve përgjuese të instaluara brenda në godina.

Madje sipas Frig paisja elektronike këtë rol ka, që të gjurmojë dhe evidentojë pajisjet përgjuese që mund të instalohen në godina dhe jo vetëm. Por të gjitha këto pretendime të Frig, nuk janë besuar nga prokuroria dhe policia, të cilat kanë vendosur të njohin më nga afër pajisjen elektronike të dyshimtë./albeu.com/


Shtuar më 25/03/2017, ora 11:29

Shkruani komentin tuaj!
Të fundit nga kjo kategori