Ditën e djeshme Gjykata e Fierit i dha lirinë ish-deputetit socialist Mark Frroku.

Ndërkohë që në media bëri bujë ky vendim, ish-ministri i Drejtësisë, Ylli Manjani ka rikujtuar se në burg vazhdiojnë të mbeten ende kuksianët që protestuan për të drejtën e tyre.

"Fundja një ditë do lirohej dhe ai, pavarësisht krimit për të cilin u dënua. Por, kujtoj se janë ende në burg 4 Shqiptarë nga Kukësi, kot fare! Vetëm pse protestuan për një të drejtë të ligjshme!!!"- shkruan ai.

Postimi i plotë i Manjanit :

U lirua Mark Frroku?!

Po mire. Fundja një ditë do lirohej dhe ai, pavarësisht krimit për të cilin u dënua.

Por, kujtoj se janë ende në burg 4 Shqiptarë nga Kukësi, kot fare! Vetëm pse protestuan për një të drejtë të ligjshme!!!

Kjo nuk quhet drejtësi!

E përsëris propozimim:

PARLAMENTI TË BËJË NJË AMNISTI PËR QYTETARËT, që ndiqen penalisht vetëm pse protestojnë!

Po të duan projektin, e përgatis në çast /albeu.com/