U gjet në një shtëpi të braktisur, flet babai i 15 vjeçares: Policia s'më ndihmoi
Vajza e zhdukur prej 3 ditësh, Argita Lico është gjetur në një shtëpi të braktisur në zonën e Fushë Krujës.

Minorenia nga Vlora, është gjetur nga prindërit e saj të cilët sipas një deklarate për mediat, nuk është ndihmuar nga policia.

Babai vajzës, Miklovan Liço theksoi se të miturën e gjeti vetë duke marrë informacione nga shoqet e saj dhe nuk ka patur ndihmë nga policia në këtë drejtim, shkruan abcneës.

"E gjeta vetë vajzën dhe nuk mori përsipër askush nga policia për të më ndihmuar. Kishin marrë vetëm kamerat e sigurisë së hotelit në Lushnje dhe asgjë më shumë.

Më ndihmoi një grua për të gjetur vajzën në Fushë Krujë, askush tjetër. Ajo gruaja në Fushë Krujë më ndihmoi shumë.

Informacionin se vajza ishte në Fushë Krujë ma dha një vajzë nga Vlora dhe e kam gjetur vajzën me forcat e mia" u shpreh ai duke theksuar se nuk e ka ende të qartë shkakun se përse vajza u largua nga shtëpia. /albeu.com/
Shtuar më 08/08/2020, ora 23:04

Shkruani komentin tuaj!
Të fundit nga kjo kategori