U fut në Kuvend nga PD, Alimadhi i vetëofrohet Ramës: Jam gati të bëj pakt me djallin!
Kryetari i partisë Balli Kombëtar, deputeti i opozitës parlamentare, Adriatik Alimadhi, i dalë nga listat e PD, ka deklaruar se është i gatshëm për një bashkëpunim me Partinë Socialiste, sipas tij për të mirën e Shqipërisë.

I ftuar në "report tv", Alimadhi tha se nëse politika do të mbajë Ballin Kombëtar, është i gatshëm të bëjë bashkëpunim për të mirën e qytetarëve dhe me djallin.

"Jam kundër ndryshimeve në Kod Zgjedhor. Lëvizjet në sistem s’e dëmtojnë Ballin Kombëtar. Per ndryshimet në kushtetutë unë kam votuar kundër.

Nuk shkon kjo pyetje sepse s’më lidh asgjë me të majtën kam dashur disa herë të jap sinjale për këtë politikë. Mund të dija të shkoja dhe në një subjekt tjetër por kam zgjedhur të vazhdoj traditën e të parëve të mi.

S’kam zgjedhur të shitem se po të ishte kështu do e kisha bërë mirë e bukur.

Kam dashur të jap një sinjal politik se nëse politika do të mbajë ballin kombëtar jam i gatshëm të bëj bashkëpunim për të mirën e qytetarëve dhe me djallin.

Edhe me të djathtën. Nëse duhet për të mirën e Shqipërisë mund ta bëj këtë bashkëpunim dhe me të majtën. Nëse Edi Rama na ndjek i them se jam gati ta bëj këtë", u shpreh deputeti i opozitës parlamentare, Alimadhi.
Shtuar më 27/10/2020, ora 21:25

Shkruani komentin tuaj!
Të fundit nga kjo kategori