Policja e dëmtuar gjatë protestës së dy ditëve më parë tek Kuvendi u nis mbrëmë me charter për kurim më të specializuar në Turqi.

Në lidhje me këtë, ambasada e Turqisë në Tiranë ka publikuar disa foto, por padashe ka nxjerrë zbuluar edhe zyrën e propagandës së kryeministrit Rama.

Në foton e publikuar duken tre persona, një fotografe dhe dy specialistë të tjerë nga zyra e Ramës që fotografojnë momentin e nxjerrjes së polices nga autoambulanca për në avion.

Rama ka një zyrë të posaçme me dhjetra të punësuar në kryeministri që shërbejnë për imazhin e tij.

Nga një vëzhgim të bërë prej Albeu.com rezulton se personat që merren me PR e Ramës në kryeministri nuk paguhen kryesisht nga kryeministria, por një pjesë rezulton se merr pagën nga Agjencia Telegrafike Shqiptare, ndërsa disa të tjera figurojnë në borderotë e Partisë Socialiste.

Albeu.com do të publikojë në ditët në vijim një material më të detajuar në lidhje me të punësuarit në zyrën e PR të Ramës si edhe borderotë e tyre. /albeu.com/