Presidenti në detyrë i SHBA-së, Donald Trump nuk tërhiqet nga deklaratat e tij për manipulimin e votave të zgjedhjeve presidenciale.

Trump tha se Administata e tij bëri që zgjedhjet në SHBA të ishin të sigurta pasi për vitë me radhë, demokratat kanë shprehur pakënaqsitë e tyre në numërimin e votave.

Më tej, ai ka akuzuar sërish Biden për mashtrim.

“Për vite, demokratët kanë predikuar se sa të pasigurta dhe të manipuluara kanë qenë zgjedhjet tona. Tani ata janë duke thënë se çfarë pune të mrekullueshme bëri Administrata Trump në bërjen e zgjedhjeve më të sigurta ndonjëherë në vitin 2020.

Në fakt, kjo është e vërtetë, përveç asaj që bënë demokratët. Zgjedhje të manipuluara!”, shkruan Trump në rrjetin social, Twitter.

Me fitoren në shtetin e Arizonës, presidenti i zgjedhur, Joe Biden ka marrë në total 290 nga 270 votat e nevojshme elektorale, ndërsa Donalkd Trump ka 217.