Trump nuk dorëzohet, përgaditet për betejën ligjore përballë Biden për zgjedhjet
Presidenti Trump nuk ka ndërmend të pranojë rezultatin e zgjedhjeve ku u shpall fitues Biden.

Mediat amerikane shkruajnë se Donald Trump është takuar të martën me këshilltarët e tij politikë dhe Shtëpinë e Bardhë.

Në qendër të takimit ishte diskutimi i hapave të ardhshëm në strategjinë e tij ligjore, tha një person i njohur me këtë çështje ndërsa shtoi se Trump nuk tregoi asnjë shenjë se mund të ketë në plan t’i pranojë zgjedhjet, raporton CNN.

Takimi në Zyrën Ovale nuk është domosdoshmërisht surprizë, pasi Trump ditëve të fundit ka vijuar diskutimet me ekipin e tij si dhe ka telefonuar aleatët për zgjedhjet që të martën e kaluar.

Në takim, raportohet se Trump u shfaq i kënaqur që vijon përpara për të ardhmen e parashikueshme me paditë dhe sfidat e tij.

Ndërsa, burimi tha për CNN se Trump në disa momente është dukur disi skeptik ndaj përpjekjeve ligjore të ekipit të tij, por megjithatë, planifikon të vijojë me planet e tij, edhe pse disa nga këshilltarët i kanë sugjeruar privatisht se strategjia ligjore nuk ka asnjë shans për të përmbysur fitoren e Biden.
Shtuar më 11/11/2020, ora 17:26

Shkruani komentin tuaj!
Të fundit nga kjo kategori