Tritol në banesë, ky është kasapi gjirokastrit që e duan të vdekur
Mbrëmjen e kaluar në Gjirokastër një banesë është hedhur në erë me tritol.

Burime zyrtare nga policia bëjnë me dije se nga shpërthimi ka mbetur i plagosur një 34-vjeçar, djali i pronarit të banesës.

Shënjestër e atentatit bëhet me dije që është Gentjan Liti, banues në lagjen "Dunavati i dytë" dhe me profesion kasap, biznesi i të cilit është i vendosur në pjesën muzeale të qytetit.

Tritoli ishte vendosur në pjesën e poshtme të furgonit të tij me targa GJ 8067 A, teksa mjeti ka qenë i parkuar pranë banesës së familjes Liti.

Megjithatë, kjo nuk është hera e parë që 34-vjeçarit Gentjan Liti i bëhet atentat.

Pesë vjet më parë Litit i është bërë një tjetër atentat me tritol, shkruan BW.

Ngjarja ka ndodhur në orët e para të mëngjesit të datës 8 korrik 2013.

Lënda eksplozive ishte vendosur poshtë furgonit të tij, tip "Benz" në pronësi të tij.

Në momentin e atentatit makina ishte parkuar pranë banesës së Litit.

Tritoli ishte vendosur poshtë parafangos së pasagjerit. Si pasojë e shpërthimit, mjeti pësoi dëmtime në pjesën e përparme, ndërkohë që nuk pati dëmtime të shtëpive përreth.

Ngjarja u hetua nga Prokuroria e Gjirokastrës, por nuk u mor vesh çfarë ndodhi më tej.

Për atentatin e dytë që iu bë sonte, burime nga grupi hetimor thonë se dyshimet e para lidhen me aktivitetin e tij si tregtar, por nuk përjashtohen as konfliktet për çështje pronësie.

Sidoqoftë ngjarja mbetet për t’u zbardhur nga Prokuroria e Gjirokastrës.

Deri më tani s’ka asnjë të shoqëruar në komisariatin e policisë për këtë atentat. /albeu.com/


Shtuar më 24/01/2018, ora 09:33

Shkruani komentin tuaj!
Të fundit nga kjo kategori