Trazirat e dhunshme në SHBA, Matthew Palmer: Provë për demokracinë!
Zëvendësndihmës sekretari amerikan I shtetit, Mattheë Palmer i konsideroi një provë për demokracinë ngjarjet e ndodhura në SHBA në 6 janar.

Ne nje intervistë ekskluzive për gazetarin Lutfi Dervishi, të transmetuar në emisionin “Përballë”, z. Palmer tha se zhvillimet e ditëve të fundit nuk janë arsye për të vënë në diskutim fuqinë e instucioneve demokratike të Amerikës. 
 
"Në SHBA ashtu si në çdo demokraci, demokracia vihet në provë. Në provë me të shkuarën, në provë me te ardhmen, në provë… U vu në provë në 6 janar, besoj se është e rëndësishme që askush, mik apo armik të vërë në dyshim fuqinë e vazhdueshme të institucioneve demokratike në SHBA.

Ne do të kalojmë këtë provë ashtu si provat e tjera. E drejta për tu mbledhur për të demostruar për të folur lirshëm janë të gjitha vlera themelore të një demokracie dhe në 6 janar ne e kaluam këtë vijë, këtë kufi dhe shkuam në sjellje penale, kriminale që do të kenë pasoja për ata që shkelin ligjin. Po bëhen hetimet përkatëse. Por ama demokracia amerikane do të vazhdojë të jetë e fuqishme dhe do të fitojë në fund të fundit. " - tha Palmer.

I pyetur se ccfarë do te sjellë për Ballkanin Perëndimor administrata Biden, zëvendesndihmës sekretari amerikan I shtetit tha se prêt që të investohet ne kohë dhe në vemendje në rajonin tonë.

"Nuk do të doja te flisja për administratën që ende nuk është konstituar tërësisht por është kërthiza e botës time faktikisht. Ballkani është një zonë për të cilën kam me të vërtetë shumë lidhje.

Kam vetbesim që Ballkani do të ketë vëmendjen e qeverisë amerikane, jo vetëm nga unë por edhe nga administrata në vetvete më gjerësisht. Besoj se mund të bejmë punë shumë të mirë në Ballkan, besoj se kemi bërë shumë punë por ama ka ende shumë punë për të bërë dhe kam besim se do të investohet nga administrata në kohë dhe në vëmendje." - tha Palmer në Përballë.
Shtuar më 12/01/2021, ora 21:25

Shkruani komentin tuaj!
Të fundit nga kjo kategori