Mjetet e tonazhit të lartë dhe urbanët vijojnë të jenë shkaktarët kryesor të krijimit të trafikut në Tiranë.

Pas kronikës të trasmetuar në "ABC News", Policia Rrugore e Tiranës ka ngritur shërbime suplementare për monitorimin kamionëve dhe betonieret.

Mendohet se favorizimi i mjeteve të disa kompanive të ndërtimit duke shkelur oraret e paracaktuara është edhe shkaku për lëvizjen nga detyra të tre drejtuesve të policisë rrugore për tu emëruar në rrethe të tjera.

Burimet bëjnë me dije se tre shefat e rrugores së Tiranës janë larguar nga kryeqyteti pasi nuk lejonin lëvizjen e kamioneve në shkelje të orarëve. Ka qenë korrektësia e tyre që i ka "ngrënë kokën" ndërkohë që eprorët këmbëngulnin për të kundërtën.

Trafiku i automjeteve në Tiranë rëndohet nga jo vetëm nga qarkullimi i kamionëve, betoniereve por, edhe nga mosrespketimi i orareve nga atubusët e linjave urbane dhe interurbane.

Mjete të tonazhit të rëndë që kalojnë në zonat me trafik të rënduar dhe autobus që nuk ndalojnë në vendin e përcaktuar për të zbritur udhëtarët.

Pas kronikës problematike të së hënës e transmetuar në ABC Neës, efektivëve të policisë rrugore iu komunikua një urdhër verbal për ngritjen e shërbimeve suplementare.

Arsyeja e ishte monitorimi i akseve në orët 07:00-deri në 09:00 lidhur me respektimin e orarëve të kamioneve dhe betoniereve në rrugët e brendshme Tiranës.

Por mejtet e tonazhit të lartë vijojnë të qarkullimin, të pashqetësuar nga askush.

Më herët janë denoncuar në WEB-in “abcnews.al” disa lëvizje drejtuesish të nivelit të larte në polici që kanë qenë të emëruar në policinë Rrugore të Tiranës.

I pari që ka ikur nga detyre ka qenë I.R., ish-shefi i seksionit te linjave interurbane në Komisariatin Tiranë.

Të njëjtin fat ka pasur edhe A.TH., ish-shefi i zyres se Aksidenteve ne Komisariatin e Qarkullimit Rrugor Tiranë. I treti që ka lëvizur ka qenë O.Gj., ish-specialist i Aksidenteve në Komisariatin e Qarkullimit Rrugor.

Këto ndryshime janë propozuar nga shefi i policisë rrugore në Tiranë dhe firmosur nga kreu i Policisë së Shtetit, Ardi Veliu.