Tragjedi në autostradën zvicerane, i riu shqiptar tregon tmerrin nga shtrati i spitalit
Një dramë e vërtetë ka ndodhur në autostradën zvicerane A1 në afërsi të Rothristit AG!

Një taksi e drejtuar nga një shofere 74 vjeçare, ka dalë jashtë kontrollit duke u përplasur me mbrojtëset anësore të autostradës.

Në këtë taksi si pasagjer ishte një 21 vjeçar shqiptar, Armend Kameri i cili ka shpëtuar mrekullisht, ndërsa shoferja nuk ka mundur ti mbijetoi aksidentit.

Mediat gjermane shkruajne se shqiptari Armend Kameri ndodhet ne shtratin e spitalit, por per fat mundet ende qe te buzeqeshe.

“Nuk është ndonjë çudi, unë jam ende gjallë”, ka thene punëtori i i picerisë për “Blick”.

Doja të shkoja në stacionin e trenit në Olten dhe pastaj të vazhdoja me tren për në aeroportin e Cyrihut. Doja të shkoj në vendlindje për një udhëtim të shkurtër”- tregon ai.

Ai tregon se gjithcka shkoi mirë deri në autostradën A1 në drejtim të Cyrihut, pak para daljes Rothrist, ku ndodhi edhe aksidenti.

I riu tregon se në këtë moment ndjeu qe makina Mercedes lëvizi majtas-djathas pa e kuptuar përse. Më pas erdhi perplasja e forte me anesoret e rruges.

“Makina u rrotullua dhe u ndal, duke qendruar ne ane. E gjitha ndodhi shumë shpejt”- thote ai, duke shtuar se taksisten e pa te shtrire pertoke pa shenja jete. “Kishte lëndime serioze në kokë”- thote ai. /albeu.com/
Shtuar më 10/10/2018, ora 08:19

Shkruani komentin tuaj!
Të fundit nga kjo kategori