Trafiku i femrave, Rama: Të ndryshojë Kodi Penal
Trafikimi i qënieve njerëzore vazhdon të mbetet një fenomen shqetësues për shoqërinë shqiptare e jo vetëm. Pas disa vitesh punë, institucionet e qeverisë qendrore, organizata jo fitimprurëse dhe shoqëria civile bashkohen së bashku duke finalizuar marrëveshjen që nënshkruhet nga të gjitha palët, mes 13 agjencive shtetërore dhe shoqërisë civile për t’u angazhuar të gjitha hallkat në luftën kundër trafikimit të personave.

Sipas prokurorisë së Përgjithshme Shqipëria është vend origjine dhe ky është një hap përpara në bashkëpunimin midis institucioneve, megjithatë jemi të ndërgjegjshëm se duhet të bëjmë akoma më shumë u shprehën pjesëmarrësit.

"Për një periudhë disa vjeçare trafikimi i qënieve njerëzore ka qenë fenomen shqetësues dhe vazhdon të mbetet i tillë edhe pse në përmasa më të vogla. Shqipëria aktualisht klasifikohet si një vend origjine i trafikimit të qënieve njerëzore, kryesisht të femrave që shfrytëzohen në tregun e seksit dhe fëmijëve që shfrytëzohen për punë. Ritrafikimi i viktimave femra për qëllime prostitucioni, i evidentuar në raportin e DASH, duhet të tërheqë gjithashtu vëmendjen tonë mbi arsyet dhe masat e nevojshme, sikurse duhet të tërheqë vëmendjen goditja e zyrtarëve të korruptuar që mund të stimulojnë këtë vepritmari", tha Ina Rama, kryeprokurore.

Firmëtarët e kësaj marrëveshje janë Ministria e Brendshme, Ministria e Jashtme, Ministria e Arsimit e Shkencës, Ministria e Shëndetësisë, Ministria e punës, Prokuroria e Përgjithshme, IOM, dhe drejtues të qendrave të viktimave të trafikimit. /albeu.com/
Shtuar më 15/06/2012, ora 15:05

Shkruani komentin tuaj!
Të fundit nga kjo kategori