Policia ka arrestuar një 40-vjeçar nga Fieri. Mësohet se i arrestuari është shtetasi Ermal (Edmond) Brahimaj.

Burime zyrtare nga policia bëjnë me dije se ai u vu në pranga në pikën kufitare të Qafë Thanës, pasi akuzohet për “Pjesëmarrje në organizatë kriminale për trafikimin e lëndëve narkotike”.

Njoftimi i policisë

“Më datë 28.12.2017 shtetasi i mësipërm është paraqitur në hyrje të Republikës së Shqipërisë.

Gjatë verifikimit të dokumentacionit të tij në sistem, shtetasi i mësipërm rezultoi i shpallur në kërkim ndërkombëtar pasi autoritetet gjyqësore italiane kane lëshuar urdhër arrestin nr 19089 datë 24.10.2008 si dhe kanë caktuar masën e sigurisë “Arrest në burg” për veprën penale “Pjesëmarrje në organizatë kriminale për trafikimin e lëndëve narkotike” parashikuar nga Kodi Penal Italian.

Për veprime të mëtejshme u njoftua ZQK Interpol Tirana me qëllim ekstradimin e këtij shtetasi drejt Italisë. /albeu.com/