Prokurori i Përmetit, Asllan Bajrami ka kallëzuar dje në polici gjetjen se ka marrë një mesazh kërcënues, pasi në dritaren e zyrës së tij është gjetur një plumb.
Bajrami është shprehur për mediat se ai nuk ka në dorë çështje të ndonjë rëndësie të veçantë, as armiq dhe se nuk ka asnjë emër të dyshuar për ngjarjen.
“Në prokurori jemi 20 punonjës hetimi, duhet të zbardhur se për kë ishte, unë nuk kam në dorë dosje të rëndësisë së veçantë, nuk kam asnjë armik dhe nuk dyshoj tek askush, ja kam lënë në dorë hetimit”, ka thënë ai.
