Topi merr "Çmimin Ndërkombëtar të Paqes"
Pëlqej
Bamir Topi
Presidenti Topi u vlerësua me "Çmimin Ndërkombëtar të Paqes" prej Qendrës së Studimeve "Xhuzepe Donati" ku u zhvillua ceremonia me rastin e "Ditës së 28-të Ndërkombëtare të Paqes, Kulturës dhe Solidaritetit" që u zhvillua në Katedralen e Pistojës me pjesëmarrjen e autoriteteve më të larta vendore dhe qindra qytetarëve italianë dhe shqiptarë që banojnë në Itali.

"Për promovimin, gjatë një pjesëmarrjeje të gjatë dhe të rëndësishme në poste të ndryshme institucionale të vendit të tij deri në postin e Presidentit të Republikës së Shqipërisë, të reformave të gjera dhe rrënjësore shoqërore, duke përforcuar demokracinë, si dhe për kontributin në forcimin e miqësisë dhe marrëdhënieve politike, ekonomike dhe shoqërore me Italinë", thuhet në motivacionin për kreun e shtetit. Presidenti Topi theksoi se ky çmim nderon dhe i përket jo vetëm atij personalisht, por mbarë popullit shqiptar si dhe bashkatdhetarëve tanë në Pistoja dhe në mbarë Italinë. Organizimi i "Ditës Ndërkombëtare të Paqes, Kulturës dhe Solidaritetit" daton që në vitin 1984.

Që prej kësaj kohe e në vazhdim, me çmime të larta për kontributin e tyre janë vlerësuar personalitete botërore si Xhulio Andreoti, Oskar Luixhi Skalfaro, Shimon Perez, Abe Pierr, Enco Biaxhi, Alberto Sordi, e shumë të tjerë. Në listën e këtyre personaliteteve botërore spikasin dhe ato shqiptare: Nënë Tereza dhe Ibrahim Rugova.
Shtuar më 22/11/2010, ora 10:11
Shkruani komentin tuaj!
Të fundit nga kjo kategori