Ish- kryetarja e Kuvendit, Jozefina Topalli ka komentuar emërimet e fundit të bëra nga ministrat e qeverisë Rama të krerëve të disa drejtorive kryesore të administratës.


“Edvini, Briseida dhe Elisa në botën e çudirave!! Të ardhurat në buxhetin e shtetit tani do jenë në duart e Briseidës, një vajze 26 vjeçe dhe të Elisës pak vite më e madhe. Asnjëra nuk ka lidhje as me doganat, as me tatimet. Asnjëra nuk ka punuar më parë as në këtë sektor, as në shtet! Të dyja u emëruan drejtoresha të mëdha! Natyrisht me motivacionin për “merita e kompetenca të veçanta në sektorin në fjalë”! Në çdo fushë duhet seriozitet e kompetencë, por veçanërisht me financat publike nuk luhet! Financat publike janë delikate dhe jetësore!” shkruan Topalli në FB. /albeu.com/