Todoroviq: Nuk jemi kunder ndertimit te Burmali Xhamise
Albeu.com
Pas pushimeve verore, Këshilli i komunës Qendër, do ta shqyrtoj nismën për ndërtimin e Burmali Xhamisë, në sheshin e Shkupit, deklaroi për Alsat, kryetari i komunës Qendër Vlladimir Todorviq, i cili edhe njëherë përsëriti ...... qëndrimin se nuk është kundër ndërtimit të objekteve fetare në sheshin e Maqedonisë.
“Nëse nisemi nga ajo se në sheshet e qyteteve evropiane ka objekte fetare, atëherë ndoshta edhe duhet të ketë që ta zbukurojnë sheshin”, deklaroi Vlladimir Todoroviq, kryetar i komunës Qendër.
Todoroviq thotë se nuk është i njoftuar me deklaratën e zëdhënësit të qeverisë, Shefik Duraku se parcelën për xhaminë, Qeveria do t’ia dhuroj BFI-së, njëjtë sikurse bëri me Kishën Ortodokse Maqedonase.
“Nuk e kam dëgjuar atë deklaratë të përfaqësuesit e Qeverisë, dhe nuk do ta komentoja, nuk do të ndërhyja, puna jonë është që të kryejmë obligimet, ndërsa Qeveria atë që mendon se do ta bën, do ta bëj. Nëse miratohet ndryshimi për planin detal urbanistik, atëherë ajo hapësirë do të jetë për një objekt të tillë”, shtoi Todoroviq.
Kryetari i komunës Qendër, Todoroviq, konsideron se nëse nuk ndërtohet Burmali Xhamia mund të paraqiten tensione.
“Kjo është një çështje shumë delikate, mund të shkaktoj tensione të caktuara, por nuk di se si ta komentoj atë, por në qoftë se nuk kalon tek Këshilli, duhet të konsiderohet si e drejtë demokratike e vendosjes”, theksoi kryetari Todoroviq.
Edhe pse Todoroviq disa herë ka deklaruar se ndërtimi i xhamisë në sheshin e Shkupit, nuk i pengon, megjithatë mendimi i tij nuk do të jetë vendimtar për ngritjen ose jo të xhamisë. Këshilli i komunës Qendër përbëhet nga 23 anëtar, prej të cilëve 11 janë anëtarë të VMRO-DPMNE-së.
Burmali Xhamia ishte rrëzuar nga pushtuesit serb në vitin 1923, derisa kisha “Konstantini dhe Helena” është rrëzuar në tërmetin e vitit 1963. Pas vendimit të Qeverisë që i tërë dokumentacioni për ndërtimin e kishës t’i dorëzohet Ministrisë e Kulturës dhe Kishës Ortodokse, deri më tani nga ana e KOM-it deri te komuna Qendër nuk është bërë ndonjë kërkesë për ndërtimin e kishës. (alsat)
Shtuar më 19/07/2009, ora 23:08
Tage: arkiv

Shkruani komentin tuaj!
Të fundit nga kjo kategori